მოხალისეობა

ასოციაცია HERA XXI 1998 წლიდან მხარს უჭერს მოხალისეობრივ საქმიანობას. მისი მხარდაჭერით ჩამოყალიბდა და განვითარდა მოხალისეთა მოძრაობა მთელი ქვეყნის მასშტაბით; დამკვიდრდა ინოვაციური და შემოქმედებითი მიდგომები და ორგანიზაციის საქმიანობაში პრიორიტეტული მიმართულება გახდა ახალგაზრდებისა და მოხალისეთა ჩართულობა. ორგანიზაცია ასევე ხელს უწყობს მენტორობას და გამოცდილების გაზიარებას ორგანიზაციის გამოცდილ და შედარებით ახალ მოხალისეებს შორის.

საქმიანობის მიზნობრივად კოორდინირება და სწორად შერჩეული მექანიზმები ორგანიზაციას დაეხმარა შეექმნა ძლიერი წარმატებული მოხალისეობრივი პლატფორმა, სადაც გათვალისწინებულია თითოეული მოხალისის ინტერესი და რესურსი. ასოციაცია HERA XXI-ის მიერ მოხალისეებთან კომუნიკაციის გაუმჯობესების მიზნით ორგანიზაციის ბაზაზე ფუნქციონირებს პლატფორმა „ჰერა XXI- ალუმნების ქსელი“ . ჰაბი 597 ახალგაზრდაა გაწევრიანებული. ეს არის სივრცე თვითრეალიზაციისა და პიროვნული განვითარებისთვის, გამოცდილების გაზიარებისა და საქმიანობის ეფექტურად განხორციელებისათვის.

1. https://www.youtube.com/watch?v=FE_1Faecubw
2. https://www.youtube.com/watch?v=VaiMH68lgyc