ასოციაცია „ჰერა XXI“-ის ფინანსური პროცედურები და რეგულაციები
- ნაღდი ანგარიშსწორება: მიმდინარე წელს, დამტკიცებული სამუშაო გეგმის ფარგლებში, მოლარე, ხარჯვის ორდერის საფუძველზე, ბანკის მიერ მიღებულ ნაღდ ფულს გადასცემს თანამშრომელს (კოორდინატორს, ასისტენტს, კონსულტანტს), რომელიც საჭიროებს საქართველოს მიერ დამტკიცებულ ხარჯთაღრიცხვის დოკუმენტს. დოკუმენტის წარდგენა წარმოებს გაცემის დღიდან სამი დღის ვადაში.
|
|
- საბანკო ოპერაციები: ასოციაცია ფლობს რამდენიმე ანგარიშს, თბილისში, თიბისი ბანკის ვაკის ფილიალში, სხვა ვალუტაში (76070793) და ლარში (ა.ა. 5700526), სხვადასხვა დონორებთან საბანკო ოპერაციების საწარმოებლად და ბუღალტრული გამჭვირვალობის უზრუნველსაყოფად. საბანკო ოპერაცია მოიცავს შემოსავალსა და ხარჯებს; კერძოდ, ასოციაცია შემოსავალს იღებს სხვადასხვა დონორებისგან, დამტკიცებულ პროექტებზე გრანტის დარიცხვა წარმოებს ასოციაციის ანგარიშზე. ხარჯები მოიცავს სახელფასო განაცემს, პროექტების ფარგლებში ტრანსპორტირებისა და ლოჯისტიკის ხარჯებს, საჭიროებების მიხედვით, საგადასახადო ვალდებულებებს.
- ჩეკზე ხელმოწერის უფლება: ბანკიდან ფულის გატანა ხდება სალაროებში მოთავსებული საბანკო ჩეკების საშუალებით, სადაც მითითებულია ფულის დანიშნულება. ჩეკზე ხელმოწერის უფლება ენიჭება მხოლოდ აღმასრულებელ დირექტორს.
- ფინანსური ჩანაწერები თანამშრომელთა ხელფასების შესახებ: თანამშრომლებზე ანაზღაურება გაიცემა ხელშეკრულების საფუძველზე, საქართველოს საგადასახადო კოდექსის დამტკიცებული ნორმის შესაბამისად, საშემოსავლო გადასახადის გამოქვითვით.
- საბანკო ანგარიში/ნაღდი ფული: საბანკო ანგარიშების საშუალებით, საჭიროების შემთხვევაში (ხელფასი, ტრანსპორტირების ხარჯები და საყოფაცხოვრებო ხარჯები) შესაძლებელია ბანკიდან ნაღდი ფულის გატანა.
- შესყიდვა: მსხვილი პროდუქციის შეძენა წარმოებს ხელშეკრულების საფუძველზე, შესაბამისი დოკუმენტაციით (მიღება-ჩაბარების აქტები, ქვითრები) საბანკო ანგარიშსწორებით ან ნაღდი ანგარიშსწორებით.
|
|
- ფინანსური ვალდებულებები: ღონისძიების ჩასატარებლად საჭირო თანხის დანიშნულებას, აღმასრულებელი დირექტორის თანხმობით, განსაზღვრავს პროექტის კოორდინატორი, ან ასისტენტი ან ფინანსური მენეჯერი, დონორის მიერ დამტკიცებული დებულებების შესაბამისად. საბანკო ოპერაციას ახორციელებს ჩეკზე ხელმოწერის უფლების მქონე პირი (აღმასრულებელი დირექტორი); მოლარე განკარგავს სალაროს და ბანკიდან მიღებულ თანხას. საქონლის შეძენა ხდება კოორდინატორის დახმარებით ან აღმასრულებელი დირექტორის მიერ, დანახარჯების დამადასტურებელი საბუთების წარდგენით.
- ფინანსური ანგარიშგება: დგება ასოციაციის მიერ და წარედგინება საქართველოს საგადასახადო სამსახურს, მიმდინარე სამუშაო წელს: საშემოსავლო გადასახადის გადახდის ასახვით, ყოველი თვის 15-ე დღემდე; ასოციაცია დონორს აწვდის მიმდინარე წლის ყოველთვიურ დეკლარაციებს, წელიწადში ორჯერ. ასოციაცია ასევე წარუდგენს შუალედურ/ფაქტობრივ (თვიურ, კვარტალურ ან წლიურ) ფინანსურ ანგარიშგებას სხვადასხვა დონორებს, მათ მიერ მოთხოვნის შესაბამისად.
- ძირითადი საშუალებები: ძირითადი საშუალებების წლიურ აღწერას, მათი ადგილმდებარეობის მითითებით, აწარმოებს ასოციაცია. ძირითადი საშუალებების ხარჯები აისახება წლის ბოლოს, ორგანიზაციის მთლიან ბრუნვაში, ამორტიზაციის დარიცხვით.
- სატრანსპორტო და საკომუნიკაციო საშუალებები: ტრანსპორტირებისა და კომუნიკაციის ხარჯები (თითოეულ მუშაკზე ცალ-ცალკე) იფარება ხელფასით, შემოსავალზე დარიცხვის საფუძველზე.
- ტენდერი: ასოციაციის აღმასრულებელი დირექტორი, კოორდინატორი ან თანაშემწე აწარმოებს ბაზრის კვლევას, საქონლის შესყიდვის მიზნით. რის შემდეგაც აღმასრულებელი დირექტორი, კოორდინატორი, თანაშემწე ან ფინანსური მენეჯერი შეჯერდებიან საქონლის ხარისხსა და ფასზე. საბოლოოდ, წარმოებს პროექტით გათვალისწინებული ფინანსური ტრანზაქციების შესრულება, მისაღები (ხარისხი და ღირებულება) პირობებით.
- საქონლისა და მომსახურების გადასახადები: საქართველოს საშემოსავლო კოდექსის თანახმად, არაკომერციული, გრანტების საფუძველზე მოღვაწე ასოციაცია „ჰერა XXI“-ი ვალდებულია გადაიხადოს მხოლოდ საშემოსავლო გადასახადი (12%). ასოციაციას არ ეკისრება სხვა სახის გადასახადები საქონელსა თუ მომსახურებაზე.
- ბუღალტრული აღრიცხვა და ანგარიშგება: მიმდინარე სამუშაო წლის საბუღალტრო ჩანაწერები კეთდება საქართველოს კანონმდებლობის შესაბამისად, საბუღალტრო პროგრამა სუპერფინის (Superfin) საშუალებით, რომელიც მოიცავს როგორც საბანკო ასევე ნაღდი ანგარიშსწორებით განხორციელებულ ოპერაციებს, წლიური ნაშთით.
- ბუღალტრული აღრიცხვის დოკუმენტაციის შენახვის მინიმალური ვადები: საგადასახადო კანონმდებლობის შესაბამისად, ასოციაცია ვალდებულია ბუღალტრული აღრიცხვის დოკუმენტაცია შეინახოს მინიმუმ ექვსი თვის ვადით.
- რისკების მართვა: ფინანსურ ოპერაციებთან დაკავშირებული რისკების თავიდან აცილების მიზნით, ასოციაციამ შეიმუშავა კონტროლის მექანიზმი, რომელსაც ახორციელებენ ასოციაციის დირექტორი, აღმასრულებელი დირექტორი და ფინანსური მენეჯერი. კერძოდ, წინასწარ განისაზღვრება პროექტის ხარჯების სავარაუდო ოდენობა, კონტრაქტის მუხლების შესაბამისად; წარმოებს დანახარჯების პუნქტების შეჯერება საბუღალტრო დოკუმენტაციასთან და მათ დანიშნულებასთან; დგება შეთანხმება ძირითად გამყიდველთან (ბეჭდვა, კონტრაცეფცია, ძირითადი საშუალებები); წარმოებს ყველა შესაძლო რისკის გათვალისწინება; მოცემული დღის ან წინა დღის ვალუტის კურსის გათვალისწინებით ხორციელდება ვალუტის კონვერტაციის საბანკო ოპერაცია (ღონისძიებების ორგანიზებისთვის, ხელფასებისთვის და ა.შ.); ბანკიდან ნაღდი ფულის გამოტანას ახორციელებს აღმასრულებელი დირექტორი, ორი იურიდიული პირის თანხლებით. ყოველი თვის ბოლოს, საბანკო ოპერაციებისა და მათი დანიშნულების ასახვა წარმოებს Excel-ის ფორმატში, რომელზეც ხორციელდება მონიტორინგი და რომელსაც საკუთარი ხელმოწერით ამოწმებს ასოციაციის დირექტორი.