ტრენინგის სამიზნე ჯგუფებია:

•    სკოლის ექიმები  

  ტრეინინგის მიზანია :

მოზარდთა ბიო-ფსიქო-სოციალური, მათ შორის რეპროდუქციული განვითარების და ჯანმრთელობის შესახებ სკოლის ექიმების ცოდნის განახლება, მოზარდთან და მის ოჯახთან  ინტერაქციის ეფექტური  განხორციელებისათვის პრაქტიკული უნარ–ჩვევების შეძენა.

ტრენინგი მოიცავს შემდეგ თემებს:

• „მოზარდი“ – დეფინიცია; მოზარდის განვითარების თეორიები და პერიოდიზაცია;
• მოზარდის ფიზიკური და სქესობრივი განვითარება;
• მოზარდის ფსიქო–სოციალური  განვითარება, სარისკო ქცევა, ფსიქოაქტიური ნივთიერებების გამოყენება;
• მოზარდის სომატური ჯანმრთელობა, ჭარბი წონა და სიმსუქნე;
• რეპროდუქციული ფუნქციის ჩამოყალიბება სომატური დაავადებების ფონზე;
• მოზარდის სექსუალობის ჩამოყალიბების ეტაპები;
• მოზარდთა ჯანმრთელობის სტატისტიკური მონაცემები საქართველოსა და მსოფლიოში. მოზარდთა მოკვდაობა და სიკვდილობის განმაპირობებელი ფაქტორები;

• მოზარდთა რეპროდუქციულიჯანმრთელობა და უფლებები;
• ვაჟების რეპროდუქციული სისტემა – ნორმა, ვარიაციები ნორმის ფარგლებში და თანდაყოლილი ანომალიები, გავრცელებული დარღვევები;
• გოგონების  რეპროდუქციული სისტემა, თანდაყოლილი ანომალიები, ასაკობრივი ცვლილებები, ნორმალური მენსტრუალური ციკლი, ვარიაციები ნორმის ფარგლებში  რეპროდუქციული ფუნქციის დარღვევები;
• სქესობრივი გზით გადამდები ინფექციები;
• მოზარდი გოგონების ორსულობასა და მშობიარობასთან დაკავშირებული პრობლემები;
• არასასურველი ორსულობის თავიდან აცილების საშუალებები – კონტრაცეფცია, ორსულობის ხელოვნური შეწყვეტა, საკანონმდებლო რეგულირების საკითხები
• მოზარდთან და მის ოჯახთან კონსულტირების თავისებურებები.

საგანმანათლებლო მეთოდები:

• მინილექცია
• პრეზენტაცია
• ქეისის განხილვა
• დამხმარე ლიტერატურა
• შეფასება, უკუკავშირი.

ტრენინგის გავლის შემდეგ მონაწილემ  იცის:

• მოზარდობის პერიოდის არსი, ასაკობრივი პერიოდიზაციის თეორიები, “მოზარდის“ დეფინიცია ჯანდაცვის მსოფლიო ორგანიზაციის მიერ მოწოდებული განმარტების შესაბამისად და აცნობიერებს მოზარდის განვითარების თავისებურებებს;
• მოზარდის განვითარების ფიზიკური, ფსიქოლოგიური და სოციალური ასპექტები. სარისკო ქცევები და მათი პროფილაქტიკის საშუალებები;
• მოზარდის სომატური ჯანმრთელობის დეტერმინანტებთან და სტრუქტურასთან დაკავშირებული საკითხების არსი, სტატისტიკური მონაცემების კონტექსტში;
• განსხვავებები რეპროდუქციული ორგანოების განვითარების და ფუნქციონირების ნორმალურ და პათოლოგიურ  ფორმებს შორის;
• სქესობრივი გზით გადამდები დაავადებების საფრთხეების შეფასების და შესაბამისი დახმარების  აღმოჩენის, ასევე მოზარდებში ორსულობის მიმდინარეობის თავისებურებების, აბორტის და კონტრაცეპციის საკითხები;
• მოზარდთა ამბულატორიული და ჰოსპიტალური დახმარებისათვის მისაღები პირობების მახასიათებლები;
• მოზარდთან და მის ოჯახთან ეფექტური კომუნიკაციის სპეციფიკა;
• მოზარდთა ჯანმრთელობის სტატისტიკური მაჩვენებლები და სიკვდილობის განმაპირობებელი ძირითადი მიზეზები საქართველოსა და მსოფლიოში (ჯანდაცვის მსოფლიო ორგანიზაციის მონაცამების შესაბამისად).

      ტრენინგის მონაწილე  შეძლებს:

• მოზარდის (ბიჭი,გოგონა) განვითარების სტადიის განსაზღვრას და საკუთარ ჯანმრთელობასთან მიმართებაში მოზარდის ქცევაზე ამ სტადიის გავლენის არსში ჩაწვდომას;
• მოზარდის სიმაღლისა და მასის  შედარებას ჯანდაცვის მსოფლიო ორგანიზაციის მიერ მოწოდებულ სტანდარტებთან ე.წ.“ზრდის გრაფიკის“ გამოყენებით და მის ინტერპრეტაციას;
• რეპროდუქციულ ჯანმრთელობასთან დაკავშირებულ პრობლემურ  საკითხებზე ინფორმაციის მიწოდებას ახალგაზრდებისთვის და კომპეტენტურ რეაგირებას;
• კონტრაცეფციის და აბორტის  მეთოდების შესახებ კონსულტირებას  და დაკვირვებას;
• მოზარდ პაციენტთან  და მის მშობლებთან კომუნიკაციის დროს „ინტერვიუს“ ეფექტურ გამოყენებას პარტნიორული ურთიერთობის ასაგებად;

• მოზარდისადმი კეთილგანწყობილი სერვისების უპირატესობის ჩვენებას.

სასწავლო კურსი აკრედიტირებულია აკაკი წერეთლის სახელმწიფო უნივერსიტეტის პოსტ დიმპლომური/უწყვეტი  განათლების სისტემაში.

ტრენინგის დასრულებისას გაიცემა სერთიფიკატი

 კურსი  მომზადა :  გულნარა  შელია,

                                    სრ.პროფესორი, ექიმი-გინეკოლოგი

ტრენინგ–მოდული შექმნილია არასამთავრობო ორგანიზაცია „ასოციაცია ჰერა XXI“–ის ინიციატივით და მხარდაჭერით.  – www.hera-youth.ge